Зеленский Ресейге қатысты маңызды мәлімдеме жасады

Украина президенті Владимир Зеленский әлемді Ресей Федерациясына қарсы санкциялар салуға шақырды. Оның айтуынша бұл санкциялар Ресей әскерилерінің Украинадағы зұлымдығына сәйкес кеуі тиіс.  Бұл туралы бейне үндеуінде айтты, деп хабарлайды Bugin.kz порталы УНИАН басылымына сілтеме жасап.

- «Біз Ресейдің азаматтарымызға қарсы жасаған барлық әрекеттері үшін санкциялардың жаңа пакетін дайындап жатырмыз. Қазір ең алдымен Батыс көшбасшылары үшін маңызды сәт. Бұл біздің халықтың жаңа санкцияларды қалай бағалайтыны мен не істейтіні туралы емес. Бұл санкциялар туралы шешімнің Батыс қоғамдарының өзінде қалай бағаланатыны туралы. Әлем Бучаны көргеннен кейін Ресейге қарсы санкциялар басқыншылардың әскери қылмыстарының ауырлығына сай болуы керек», - деді Зеленский.

Оның айтуынша, оккупацияланған елге қажетті шектеулердің болмауы оларды қолданбайтын елдердің саяси басшылығына да әсер етеді.

- «Осыдан кейін ресейлік банктер бұрынғыдай жұмыс істей алатын болса, одан кейін Ресейге жүк транзиті әдеттегідей жалғасатын болса, одан кейін ЕО елдері энергия тасымалдаушыларының ақысын әдеттегідей төлейтін болса, онда кейбір басшылардың саяси тағдыры енді болмайды, - деді президент.

Ол Батыс көшбасшыларына Польша мен Балтық елдерінен үлгі алуға және 2014 жылғыдай жарты шара іздемеуге кеңес берді, өйткені ешқандай шектеулер эмбаргоны алмастыра алмайды.