Илон Маск Twitter директорлар кеңесіне кіреді

Илон Маск Twitter директорлар кеңесіне кіреді. Бұл туралы АҚШ-тың Бағалы қағаздар жөніндегі комиссиясының (SEC) құжаттарында жазылған, деп хабарлайды Bugin.kz порталы 3Dnews сайтына сілтеме жасап.

Twitter бас директоры Параг Агравал өзінің твиттерінде Масктың 2024 жылға дейін екінші дәрежелі директор болып тағайындалғанын растады. Оның айтуынша, кәсіпкер әлеуметтік желінің «жалынды қолдаушысы және сыншысы» және директорлар кеңесіне үлкен пайда әкеле алады. Tesla және SpaceX негізін қалаушы «Твиттерден тамаша жақсартуларды» күтетінін айтты.

Масктың тағайындалуына Twitter негізін қалаушы Джек Дорси де пікір білдірді. Ол директорлар кеңесіне қабылданғанына қуанышты екенін айтты.

- «Ол біздің әлемге және ондағы Twitter рөліне қатты мән береді», - деді Дорси.