Блинкен: «АҚШ Украинаға қосымша 100 миллион доллар бөледі»

АҚШ Украинаға танкке қарсы жүйелерді сатып алу үшін 100 миллион доллар көлемінде көмек көрсетеді. Бұл туралы Мемлекеттік хатшы Энтони Блинкен мәлімдеді, деп хабарлайды Bugin.kz порталы АҚШ мемлекеттік департаментінің баспасөз қызметіне сілтеме жасап.

- «Әлем Ресей әскерлерінің Буча мен Украинаның түкпір-түкпірінде жасаған қатыгездігіне таң қалды. Күштер өз елін және бостандығын батыл түрде қорғауды жалғастыруда», - делінген хабарламада.

АҚШ, оның одақтастары мен серіктестері Украинаның егемендігі мен аумақтық тұтастығын табанды түрде қолдайды, деп атап өтті Мемлекеттік департамент.

- «Мен бүгін президенттің нұсқауымен Украинаның танкке қарсы қосымша жүйелерге деген шұғыл қажеттілігін қанағаттандыру мен қауіпсіздікті қамтамасыз ету үшін 100 миллион долларға дейін көмек көрсетуге рұқсат бердім», - деді Блинкен.

Сондай-ақ Мемлекеттік хатшы АҚШ, оның одақтастары мен серіктестері Ресейдің әскери қылмыстары туралы есептерді құжаттау және жауапты органдарға жауаптыларды жауапқа тарту үшін ақпарат беру жұмыстарын жүргізетінін атап өтті.