Зеленский: «Егер Ресей соғысты жалғастыруды шешсе, бұл суицид болып есептеледі»

Украина президенті Владимир Зеленский егер Ресей соғысты жалғастыруды шешсе, бұл өз-өзіне қол жұмсау болатынын айтты. Бұл туралы ол видеоүндеуінде мәлімдеді, деп хабарлайды Bugin.kz порталы. 

Зеленский ресейлік әскерилер тактикасын өзгертіп, оккупацияланған аумақтағы көшелер мен жертөлелерден қаза тапқан украиналықтардың мәйіттерін шығаруға тырысып жатқанын айтты.

- «Бұл тек айғақтарды жасыру әрекеті, басқа ештеңе емес. Бірақ ол әрекеттері сәтті болмайды, өйткені көп адам қаза тапты. Жауапкершілік болады. Біз мыңдаған із-түссіз жоғалғандар туралы, мыңдаған адамдар туралы қазірдің өзінде білеміз. Ресей Федерациясына депортациялануы немесе өлтірілуі мүмкін. Олардың тағдыры үшін басқа нұсқа жоқ», - деді ол.

Мемлекет басшысының айтуынша, объективті тергеулер, спутник куәгерлері және шындықты анықтауға көмектесетін басқа да құралдардың арқасында хабар-ошарсыз кеткен азаматтардың көпшілігіне қатысты, Ресейдің Украина аумағында жасаған әскери қылмыстарының көпшілігіне қатысты барлық мән-жайлар анықталатын болады. 

- «Егер әлем Ресей әскерилерінің Украина аумағында жасағанын геноцид деп атауға бола ма деген пікірталас тудырса, онда шындықты іздеуді бұдан былай тоқтату мүмкін емес. Бұны кері қайтарудың жолы жоқ», - деді ол. 

Зеленскийдің пікірінше, тек Украинаға қарсы одан әрі агрессиядан тез бас тартуға және сол арқылы Ресей мемлекеттілігіне және Ресейде маңызды шешімдерді қабылдайтын тұлғаларға келетін зиянды азайтуға тырысу ғана мүмкін.

- «Олай болмаса, ештеңе өзгермесе, бұл суицид. Соғысты жалғастыру нұсқасын таңдаған әрбір адам үшін суицид», - деді президент.