Қазақстан елшісі АҚШ президенті Байденмен кездесті

Қазақстанның АҚШ-тағы елшісі Президент Джозеф Байденмен кездесті. Бұл туралы Сыртқы істер министрлігінің баспасөз қызметі хабарлады.

"2022 жылғы 4 сәуірде Ақ үйде өткен протоколдық іс-шара барысында Қазақстанның АҚШ-тағы Елшісі Ержан Ашықбаев АҚШ Президенті Джозеф Байденмен қысқаша сұхбат өткізді. Оның барысында қазақстандық дипломат ҚР Президенті Қасым-Жомарт Тоқаевтың ілтипат лебізін жеткізіп,  Қазақстан мен АҚШ арасындағы Кеңейтілген стратегиялық әріптестікті ілгерілетуге бейілділігін атап өтті.

Өз кезегінде, америкалық басшы екіжақты және аймақтық күн тәртібіндегі өзекті мәселелер бойынша екі ел арасындағы сындарлы серіктестіктің жалғасуын оң қабылдайтынын хабарлады",- деп жазылған министрлік хабарламасында.