Головкиннің Муратаны жеңгені үшін алатын қаламақы мөлшері белгілі болды

Қазақстандық боксшы Геннадий Головкиннің жапондық спортшы Риота Муратаны жеңгені үшін алатын қаламақы мөлшері анықталды. Бұл туралы Bugin.kz порталы Nikkansports сайтына сілтеме жасап хабарлайды.

Геннадий Головкиннің Мұратқа қарсы титулдық жекпе-жегі үшін гонорар сомасы 12 миллион долларды құрайды. Титулдық жекпе-жек үшін жапондық спортшы төрт миллион доллар алады.

Бұл жекпе-жек Головкиннің DAZN стримингтік платформасымен келісімшарты бойынша алты жекпе-жектің төртіншісі болды. 2019 жылы ол жалпы сомасы 100 миллион долларға келісімшартқа қол қойды.

Титулдық жекпе-жекті ұйымдастырушы, промоутер Акихико Хонда билеттерге түсетін ақша жағынан 1990 жылы Токиода өткен Майк Тайсон – Бастер Дуглас жекпе-жегінің рекордын міндетті түрде жаңаратынын айтты. Айтқандай-ақ,  ұйымдастырушылар билет сатудан 16 миллион доллардан астам табыс тапты.