Путин Еуропадағы газ дағдарысына ЕуроОдақты кінәлап отыр

Ресей президенті Владимир Путин мұнай-газ саласындағы жағдайға арналған кеңес өткізіп, ресейлік мұнай мен газ экспортының қалай және қайда дамитыны туралы айтты, деп хабарлайды Bugin.kz порталы Orda.kz сайтына сілтеме жасап.   

Президенттің пікірінше, логистика және энергия ресурстарын жеткізу үшін ақы төлеу ең өткір проблема болып қала береді, өйткені «достас емес елдердің» банктері төлемдерді кешіктіреді.  

- «Бұл бағыттарда маңызды қадамдар жасалып жатыр және мұндағы басты міндет кез келген шетел валютасын Ресей рубліне еркін және қажетті көлемде айырбастауға болатындай етіп, біздің валюта нарығымызды ауысуға дайындау», - деді президент.  

Оның пікірінше, Батыс елдерінің ресейлік жеткізушілерді ығыстыру әрекеттері бүкіл әлемдік экономикаға әсер етеді, оның салдары, ең алдымен, өздеріне тиеді. Президент жұмыс істеп тұрған ресейлік кен орындары мен жаңа алаңдар, соның ішінде Арктикадағы алаңдар үшін қажет мұнай мен газ өндіруге арналған жабдықтардың импортты алмастырылуына назар аударды. 

- «Энергия ресурстарының экспортына келетін болсақ. Таяу жылдары Батыстан мұнай мен газ жеткізуді перспективалы нарықтарға – Оңтүстік пен Шығысқа қайта бағыттауға мүмкіндік беретін инфрақұрылымдық жобаларды – темір жол, құбыр, портты іске асыруды жеделдету қажет. Бұл ретте болашаққа мұнай-газ компанияларымен бірлесіп Африка, Латын Америкасы және Азия-Тынық мұхиты аймағы елдеріне экспорттық инфрақұрылымды кеңейту жоспарын жасау маңызды», - деді Путин.