Павлодардағы мектепте болған өрттің шығу себебі анықталды

Павлодардағы мектепте болған өрттің шығу себебі анықталды, деп хабарлайды Bugin.kz порталы.

Мектептегі өрт ұзартқыш сымдағы ақаудан шығуы мүмкін. Павлодар қалалық төтенше жағдайлар департаментінің айтуынша, болжам бойынша, өртке сабақтағы зертханадағы электр сымдарының қысқа тұйықталуы себеп болған.

«Өрт орны физика кабинетіндегі зертханалық бөлмеде болды. Осы жерден екі электр ұзартқышы табылды, оның біреуі зақымданған. Бұл электр жабдығының жұмысын бұза отырып, электр ұзартқышы қолданылғанын көрсетеді. Зертханалық бөлмеде ұзартқыш сым пайдаланылмауы керек еді», - дейді Павлодар қаласы төтенше жағдайлар департаментінің бастығының орынбасары Тілекжан Ғалямов.

Ғалямовтың сөзінше, кабинет пен зертханаға бөлінген сыныпқа келген физика пәнінің мұғалімі компьютер, принтер мен интерактивті тақтаны қосқан. Осыдан кейін бірден автоматты өшіру орын алды.

«Мұғалім дәлізге шығып, аппаратты тексереді. Ол жұмыс істер тұр. Ал оны қосқан кезде түтін шыға бастайды», - деді Галямов.

Сонымен қатар департамент бастығының орынбасары өртті бастапқыда балалар сөндірді деген ақпаратты растамады.

«9-сынып оқушылары зертханалық бөлмеге кірген жоқ. Олар өрт сөндіргіштерге жақындаған, бірақ сөндірмеді. Өртті 1996 жылы туған дене шынықтыру пәнінің мұғалімі сөндіріп бастаған. Қазіргі уақытта ол біздің басты куәгеріміз. Өрт сөндіргіш таусылғанда екіншісіне жүгірді, сол кезде өрт одан сайын күшейіп кетті», - дейді ол.

Сондай-ақ өрт салдарынан 47 жастағы физика пәнінің мұғалімі көмірқышқыл газынан уланған. Жағдайды тұрақтандыру үшін ол қысым камерасына орналастырылды. Павлодар облысының білім басқармасының хабарлауынша, қазір жәбірленуші палатаға ауыстырылған. Жағдайы орташа ауыр.

Басқарма өртеніп жатқан мектепке техникалық тексеру жүргізіп жатқандарын да айтып өтті.

«Екі күн бойы балаларды қашықтан оқытуға бердік. Дүйсенбі күні балалар әдеттегідей оқиды. Егер мектептің техникалық жағдайы оқу үдерісін жалғастыруға мүмкіндік бермесе, балалар жақын маңдағы мектептерге барады», - дейді Павлодар облысының білім басқармасының басшысы Әйгерім Әбенова.

Оқиғаға қатысты мемлекеттік өрт бақылау басқармасының бастығы да пікір білдірді.

«Осы бөлмеден соңғы болып бір студент жүгіріп шыққаны туралы куәгерлердің мәліметі бар. Өртке қатысты тексеру жүргізілді, алдын ала мәліметтер бойынша қысқа тұйықталу болған», - дейді Сергей Огай.