Тоқаев әскерде қаза тапқан сарбаздың өлімі себебін анықтауды тапсырды

Мемлекет басшысы Қасым-Жомарт Тоқаев Жамбыл облысындағы Гвардейск әскери қалашығында маңғыстаулық сарбаз Әлібек Саламатұлы Қалбайдың қаза болуына байланысты жақындары мен туыстарына көңіл айтты.

Президент бейбіт күнде әскердегі сарбаздың қаза болмауы керек екенін түсіндірді, деп хабарлайды Bugin.kz порталы.

Ата-ана баласын әскерге жібергенде оның қауіпсіздігі үшін алаңдамауы керек. Бұл – мемлекетіміздің мойнына алған міндеті.

«Президент осы оқиғаға қатысты Бас прокуратура мен Қорғаныс министрлігіне және құзырлы органдарға жауынгердің өліміне қатысты жан-жақты тексеру жүргізуді және шынайы себебін анықтауды тапсырды», - делінген БОРТ 1 Telegram каналында.