Ерлан Қошанов AMANAT партиясының төрағасы болып тағайындалды

ҚР Парламент Мәжілісінің төрағасы Ерлан Қошанов AMANAT партиясының төрағасы болып тағайындалды, деп хабарлайды Bugin.kz порталы.

AMANAT партиясының атқарушы хатшысы Асхат Оралов съез делегаттарына ҚР Президент Қасым-Жомарт Тоқаевтың Ерлан Қошановты партия төрағалығына сайлау туралы ұсынысына дауыс беруді ұсынды. Дауыс бергендер Мәжіліс спикерінің кандидатурасын бірауыздан қолдады.

«Құрметті Ерлан Жақанұлы, сізді барлық делегаттар атынан AMANAT партиясының төрағасы болып сайлануыңызбен құттықтаймыз», - деді Асхат Оралов.

Айта кетейік, Президент Қасым-Жомарт Тоқаевтың төрағалығымен AMANAT партиясының съезі өтіп жатыр.