Назарбаев әулетінің тағы бір мүшесі Forbes тізіміне қосылды

Forbes Қазақстандағы ең бай 50 адамның тізімін жасады, деп хабарлайды Bugin.kz порталы.

Нұрсұлтан Назарбаевтың екі қызы Динара мен Дариға Назарбаевалар, Дариға Назарбаеваның үлкен ұлы Нұрәли Әлиев еліміздегі бай адамдардың қатарына жайғасты.

50 бизнесмен тізімін $5 млрд байлықпен Владимир Ким бастап тұр. Екінші, үшінші орында - Тимур Құлыбаев пен Динара Құлыбаева. Олардың әрқайсысында $3,9 млрд бар деп бағаланып отыр. 4-орында Вячеслав Ким ($3,2 млрд), 5-орында Михаил Ломтадзе ($3 млрд).   

Ал Дариға Назарбаева бұл тізімде 13-орында. Forbes.kz басылымының ақпаратынша, оның байлығы - $584 млн. Тізімде 26-орынға оның ұлы Нұрәли Әлиев тұрақтады. Оның байлығы - $263 млн екен.

Аталмыш тізімдегі жаңа есімдердің бірі – 38 жастағы Нұрбол Назарбаев, Болат Назарбаевтың ұлы. 160 $млн байлығы бар ол 41-орынға жайғасты.