Түркия Ресейге қарсы санкцияларды қолдай бастады

Turkish Airlines және бірқатар түрік интернет-дүкендері санкциялар аясында Ресей банктерінің «Мир» картасымен төлемдерді бұрын қабылдағанына қарамастан бұғаттай бастады. Бұл туралы Bugin.kz порталы «Известия» басылымына сілтеме жасап хабарлайды.

Енді Turkish Airlines билетін Сбербанктің «Мир», ВТБ немесе «Тинкофф» картасымен сатып алуға тырысқанда, жүйе клиенттен несие ұйымына хабарласуды немесе басқа төлем әдісін қолдануды сұрайды. Кейбір пайдаланушылар билеттерді UnionPay төлем жүйесінің картасымен төлей алады.

Эмигранттар Түркияда «Мир» картасымен сатып алу үшін төлем жасау мүмкін еместігі туралы әлеуметтік желілерде жаза бастады. Мысалы, ресейліктердің бірі түріктің Trendyol сайтында онлайн-сатып алуды төлеуде қиындықтар туындағанын хабарлады. Евгений есімді қолданушы Түркияда «Мир» карталары мен аударымдардың жұмыс істемейтінін, «туристер криптовалюталарды жеделдетілген қарқынмен зерттеп жатқанын» атап өтті.

Электрондық ақша қауымдастығының басшысы Виктор Достов түрік эквайер банктерінің ресейлік несие ұйымдарымен жұмыс істеуден бас тартуының себебі шетелдік серіктестердің қайталама санкцияларға ұшырауынан қорқуы мүмкін деп мәлімдеді. Оның айтуынша, түрік банктеріне ақырында ресейлік несие ұйымдарынан ақша түсетініне сенім қажет.