Тоқаев түркі елдерінің тағы біріне ресми сапармен бармақ

Өткен аптада мемлекет басшысы Қасым-Жомарт Тоқаев бауырлас ел – Түркияға ресми сапармен барған еді. Оның алдында Татарстанға ат басын тіреді. Енді тағы бір түркі елі – Қырғызстанға сапармен бармақ.

Ақорда-ның мәліметтеріне сүйенсек, бүгін 18 мамыр күні Қырғызстан Президенті Мемлекет басшысы Қасым-Жомарт Тоқаевты туған күнімен құттықтап, оған зор денсаулық және Қазақстан халқының игілігі жолындағы аса жауапты мемлекеттік қызметіне табыс тіледі.

Әңгімелесу барысында қазақ-қырғыз стратегиялық серіктестігінің даму перспективалары талқыланды.

Осы ретте Қазақстан Президентінің Қырғызстанға жоспарланған ресми сапарына ерекше назар аударылды.

Президенттер алдағы уақытта өтетін жоғары деңгейдегі келіссөздің екіжақты ынтымақтастықты нығайтуға тың серпін беретініне сенім білдірді.