Қазақстанда жаңа ипотека бағдарламасы ашылмақ

Бұл бағдарлама «7-20-25» және «Нұрлы жерді» ипотекалық бағдарламалардың орнына келмек.

«Ұлттық банктің мәліметіне сүйенер болсақ, «7-20-25» және «Нұрлы жер» бағдарламаларын жүзеге асыру үшін 500 млрд теңге қосымша қаржы бар. Бағдарламалар қарастырылған қаражат толық игерілгенінше созылады. Сонымен қатар қазіргі таңда жеңілдетілген ипотекалық бағдарламалардың аяқталуына және зейнетақы жинағын алудың қысқаруына орай баламалы шара ретінде ипотекалық несиелерді субсидиялау тетігін енгізу қарастырылуда», - деп мәлімет таратты Индустрия және инфрақұрылымдық даму министрлігі.

Бұған дейін жүзеге асырылған «Нұрлы жер» бағдарламасындағы шаралар «Қуатты өңірлер – ел дамуының драйвері» ұлттық жобасына қайта енгізілген. Осыған орай, жеңілдетілген несиелеу бағдарламалары «Отбасы банкі» арқылы одан әрмен жүзеге асырылатын болады.