Алматы мен Ақмола облысы полициясының бұрынғы басшысы ұсталды

Алматы мен Ақмола облысы Полиция департаментінің бұрынғы басшысы Жайлаубек Кембаев ұсталды. Оған жемқорлық бабы бойынша айып тағылып отыр.

Бұл жайлы ҚР Сыбайлас жемқорлыққа қарсы іс-қимыл агенттігі хабарлады.

«10.07.1963 жылы туған, 2009-2016 жылдары Алматы және Ақмола облыстарының Ішкі істер департаменттерін басқарған, полиция генерал-майоры Халықұлы Жайлаубекті ұсталды. Ол соңғы қылмыстық істі тоқтатқаны үшін «К» азаматынан алдау арқылы ақша мен мүлкін алған азамат ретінде күдікті болып отыр», - деп хабар таратты агенттік.

23 мамыр күні Жайлаубек Халықұлы ұсталып, Алматы қаласы ПД УҰИ-ға қамауға алынды. Әзірше тергеу шараларына байланысты қалған ақпарат айтылмайды.