Қорқынышты тарих: Өз балаларын өлтірген ата-аналар

Егер біреу жан түршігерлік ауыр қылмыстардың санатын көрсеткісі келсе, онда өз баласын өлтіру ісі бірінші орынды алар еді. Мұндай қылмыс қай қоғамды болсын елең еткізбей қоймайды. Өйткені кісі өлтіру орын алатын отбасылардың көпшілігі сырттан қарағанда қалыпты, үлгілі жанұя болып көрінеді. Отбасының барлық мүшелері әдетте жеткілікті дәрежеде адекватты және есі дұрыс адамдар. Бірақ бұл болмыс «есі дұрыс және адекваттылардың» бірі бүкіл отбасын қатыгездікпен өлтірейін деп жатқан сәтке дейін жалғасады. Bugin.kz сайты бүгін елең еткізер жағдайлар туралы айтатын болады.  

Эльмер Кроуфорд 

Австралия тарихындағы ең атышулы отбасылық кісі өлтіру 1970 жылы 2 шілдеде Порт-Кэмпбеллде орын алды. Сол күні Лох Ард шатқалындағы тау етегіндегі жартастан қираған көлік табылды. Жүргізуші орнында Тереза Кроуфорд есімді қайтыс болған жүкті әйел болды. Оның үш баласы - Кэтрин, Джеймс және Кареннің мәйіттері артқы жағындағы брезент астынан табылды. Олардың әкесі Эльмер Кроуфордты табу мүмкін болмады. Сондықтан полиция қызметкерлері оны осы қорқынышты қылмысқа басты күдікті деп таныды. Расында тәртіп сақшыларының күдігі расталды. Кроуфорд жүкті әйелін өлтіру үшін арнайы электр құрылғысын жасады. Әйелі осы электр разрядынан өледі. Эльмер миссиспен жұмысты аяқтағаннан кейін ол балалармен жұмыс істей бастады. Неліктен ол мұны істеді? Жауап қарапайым - ақша. Әйелі тірі кезінде өзіне және балаларына бірдеңе болып қалса деп бар ақшасын күйеуіне аударған. Эльмер машинаны тасты жартасқа соғылады деп ойламаған. Ол көлікті су астына батырып жібермек болған, алайда оның жоспары жүзеге аспай, оқиға орнынан ізін суытқан. Элмер Кроуфордтың қайда екені күні бүгінге дейін жұмбақ күйінде қалып отыр. 

Сюзан Смит  

1994 жылы 25 қазанда Оңтүстік Каролинадан Сьюзан Смит есімді әйел полицияға хабарласып, балаларын белгісіз адам ұрлап кеткенін хабарлады. Оның айтуынша, ер адам оның көлігін ұрлап кеткен, оның ішінде екі ұлы: үш жасар Майкл мен он төрт айлық Алекс болған. Полицейлер дереу қылмыскерді ұстауға кірісті. Сонымен қатар, Сюзан теледидар арқылы барлық тұрғындарға балаларын ұрлап кеткен адамды табуға көмектесуін өтінді. Біраз уақыттан кейін тергеушілер Сюзанның айғақтарында сәйкессіздіктерді анықтап, әйелді полиграфиядан өтуге жіберу туралы шешім қабылдайды. Жедел қызметкерлер мұны бекер жасаған жоқ. Полиграф әйелдің өтірік айтып жатқанын көрсетті. Тоғыз күннен кейін, ұзақ уақыттық тергеуден соң Смит ақыры ұрлау оқиғасын өзі жасағанын мойындады. Көп ұзамай Сьюзанның көлігі өлі балаларымен бірге Лонг-Лейктен табылды. Ол балаларды суға батыру үшін көлікті әдейі көлге итеріп жіберген. Әйелдің мұндай қорқынышты қадамға бару себебі, балаларға үзілді-кесілді қарсы ер адамға ғашық болуында еді. Шамасы, оған деген сүйіспеншілігі балаларынан да артық болса керек. Сүйгенінің көңілінен шығу үшін балаларынан осылай құтылды. Сот барысында қорғаушы Сюзан Смит әйелдің психикалық ауру екенін атап өтті, бірақ алқабилер бұған сенбеді. Сюзан Смит ұлдарын өлтіргені үшін өмір бойына бас бостандығынан айырылды. Ол 2024 жылға дейін шартты түрде мерзімінен бұрын босату туралы өтініш бере алмайды. 

Диана Даунс 

1983 жылы 19 мамырға қараған түні Орегон штатындағы Спрингфилд қаласындағы ауруханаға Даун Даунс есімді әйел түсті. Оның үш баласы Дэнни, Шерил және Кристи оның көлігінің артқы орындығында қорқынышты жағдайда болды. Оларға оқ тигені көзге көрініп тұрды. Әйелдің өзі сол жақ білегінен жарақат алған. Даунстың айтуынша, белгісіз қаскүнем оның көлігін ауылдық жолда келе жатқанда тоқтатпақ болған, бірақ ол тоқтамаған соң балаларына оқ жаудырған. Шерил бірден қайтыс болды, бірақ қалған екі бала шабуылдан аман қалды. Дэнни сал болып қалды, ал Кристи қан кетуден есінен танып қалды. Тергеушілер Диананың оқиғасына бірден күдіктенді, өйткені жан түршігерлік оқиғаға қарамастан, ол таңқаларлықтай сабырлы болды, бірақ анасы оның жанында болғанда Кристидің шошынғаны байқалды. Диана өз айғақтарын шатастыра бастады. Бұл полицияға одан сайын күдік тудырды. Кристи сауығып кеткен бойда ол ешқандай белгісіз адамның болмағанын айтты. Диананың өз балаларын атып тастағаны белгілі болды. Тергеушілер әйелдің жеке өміріне байланысты өте қызықты мәліметтеріді тапты. Белгілі болғандай, Даунс үйленген адаммен кездесіп жүрген және ол балаларды ұнатпайтын. Оны тастап кетпеу үшін Диана өз балаларынан құтылуды шешті. Әйел қылмысқа кінәлі деп танылып, өмір бойына бас бостандығынан айырылды.