Ақтөбеде анасын өлтірді деген айыппен 16 жастағы оқушы қыздың соты басталды

Бүгін Ақтөбеде анасын өлтірді деп айыпталған 16 жастағы қызға қатысты сот отырысы басталды, деп хабарлайды Bugin.kz порталы Диапазон сайтына сілтеме жасап. 

Сот отырысына қыздың 18 жастағы жігіті де қатысты. Тергеу барысында анықталғандай, жастар 40 жастағы әйелді пышақтап, мәйітін балконға жасырып, мәйіттің иісін басу үшін денеге сірке суы мен сода құйып жіберген.

Сотта жас жігіт сүйіктісінің анасын абайсызда өлтіргенін айтып, қыздың кісі өлтіруге ешқандай қатысы жоқ екенін жеткізді.  

- «Ешқандай жаман ниет болмады. Құрбымның анасы ілгектерді дұрыс қадамадың, қолыңнан ештеңе келмейді деп тиісе бастады. Ол ішімдік ішіп отыр еді. Сонымен қатар, үстелдің үстінде нан, балық және пышақ жатты. Ол пышақты алып, қорқытқысы келгендей маған қарай бағыттады. Мен пышақсыз тыныш сөйлесуді ұсындым. Алайда ол ашуланып, қолындағы пышағымен маған жақындай бастады. Мен дәлізге жүгірдім, ол мені пышақпен қуды. Ол мені пышақпен қорқытқанда, мен оның білегінен ұстап алдым, осылайша күрес кезінде байқаусызда кеудесінің сол жағына дене жарақатын салдым. Бірақ сол сәтте пышақ оның кеудесіне қадалғанын байқамадым. Мен оны тыныштандырғым келді, сол үшін мен оны тұншықтырдым. Мен фильмдердің тыныштандыру үшін жасағанын көрген едім» - деді ол. 

Анасын өлтірді деп айыпталған 16 жастағы оқушы қыз әлі жауапқа тартылған жоқ. Оның түнгі мектепте оқығаны белгілі, өткен жазда анасымен бірге мемлекеттен жалдамалы баспана бөлінген. Оның жас жігіті жергілікті колледждің студенті, танысқандарына бір жылдай уақыт болған.