Атырауда тұрғындардың басым бөлігі шатырсыз қалды

Атырауда «Гаухартас» ЖК өртеніп кетті. Тұрғындардың басым бөлігі шатырсыз, мал-мүліксіз қалды. Ал олар өрт сөндірушілерді кінәлайды.

КТК телеарнасының хабарлауынша, зардап шеккендер өрт сөндірушілер ерте кетпегенде пәтерлерді аман алып қалуға болатынын айтады.

«Біз өрт сөндірушілерге: «Төбені қараңдар, тексеріңдер» дедік. Олар бізді тыңдамады. Олар бірден кетіп қалды. Осының салдарынан бір-екі сағаттан кейін өрт қайта тұтанды», - дейді Атырау қаласының тұрғыны Айгүл Өтепова.

Онымен тағы бір жергілікті тұрғын Игорь Белов та келіседі:

«100 пайыз зақым келді.  Екі қабат жанып кете жаздады. Алты ай бұрын ғана ипотека жабылған еді. Біреуден көмек керек. 170 шаршы метр алаңның бәрі өртеніп кетті. Ештеңе қалмады».

Жергілікті ТЖД өрттен зардап шеккендердің айыптауларына жауап берді. Олар сарапшылардың қорытындысын күтуді ұсынады. Сондай-ақ департамент өрт орнында тәжірибелі құтқарушылар жұмыс істегеніне, олар қолдан келгеннің бәрін жасағанына сендіреді. Дегенмен, төтенше жағдайлар қызметінің де тұрғындарға сұрақтары бар.

«Өрт адамдардың электр құрылғыларын тым көп қосқаннан кейін шығуы мүмкін. Салдарынан электр сымдары шыдай алмай, өртеніп кеткен көрінеді. Біздің бөлімшелердің өртті аяқтамай кеткеніне қатысты айтарым, онда кезекші өрт сөндіру қызметі де, анықтаушы да жұмыс істеген. Біздің жігіттер тепловизормен тексерді - ол еш жерде көрсетілмеді. Неден, неден, қалай болғаны туралы осы үйдің тұрғындарынан түсіндірме хаттар алынды. Оның үстіне, олардың шағымы жоқ», - деді телеарнаға Атырау облысы Төтенше жағдайлар департаменті өрт сөндіру қызметінің басшысы Мақсұт Есполов.