Дональд Трамптың бірінші әйелі қайтыс болды

АҚШ-тың бұрынғы президенті Дональд Трамп бірінші әйелі Ивана Трамптың қайтыс болғанын хабарлады. Ол 73 жасында дүниеден өтті, деп хабарлайды Bugin.kz порталы. 

«Ивана Трамп Нью-Йорктегі үйінде қайтыс болды. Ол керемет және шабыттандыратын өмір сүрген тамаша, әдемі және керемет әйел болды», - деп жазды Трамп өзінің Truth Social әлеуметтік желісінде.

Кейінірек ABC News хабарлағандай, әйелдің жүрегі тоқтап қалған.

Ивана Трамп 1949 жылы 20 ақпанда Чехияда дүниеге келген, Америка Құрама Штаттарына эмиграцияға кеткен және Канадада тұрған. Ол 1977 жылдан 1992 жылға дейін Дональд Трамппен некеде болды. Олар бірігіп үлкен бизнес жобасын басқарды. Ажырасқаннан кейін Ивана Нью-Йорктегі Ивана сән үйін басқарды.