Болат Назарбаевтың көмекшісіне іздеу жарияланды – ҚМА

ҚМА рейдерлік тәркілеумен айналысқан бір топ адамды анықтады, деп жазады Bugin.kz порталы ведомство мәліметіне сілтеме жасап.

Олардың мәліметінше, 14 шілдеде ҚР ҚПК-ның 128-бабына сәйкес қылмыстық іс-әрекет эпизодтарының бірі бойынша ұсталып, уақытша ұстау изоляторына мына азаматтар қамалған:

Танашев Тимур Сержанұлы, 1983 жылы туған;

Бабаев Рауан Тимурұлы, 1992 жылы туған;

Алтыбасаров Аңсар Мұратұлы, 1990 жылы туған;

Абижанов Дастан Мәдиұлы, 1977 жылы туған.

«15 шілдеде осы тұлғаларға қатысты Алматы қаласы мамандандырылған тергеу сотының қаулысы бойынша, 2 ай мерзімге қамауға алу түріндегі бұлтартпау шарасы санкцияланды. Сонымен қатар сот Елдос Қоспаевқа іздеу жариялап, қамауға алу туралы бұлтартпау шарасын таңдады. Ал Айдос Қоспаев мен Руслан Шалин күдікті деп танылды», - делінген хабарламада.

Айта кетейік, бұдан бұрын БАҚ-та Елдос Қоспаев Болат Назарбаевтың көмекшісі екені жайлы ақпарат тараған болатын.