Әлем
Ресей президенті Путинге «Россия» банкінің ірі акционері, кәсіпкер Юрий Ковальчуктың ықпалы жүруі мүмкін. Бұл туралы журналист Дмитрий Гордонға берген сұхбатында ресейлік-израильдік кәсіпкер, ЮКОС мұнай компаниясының бұрынғы басшыларының бірі Леонид Невзлин айтты, деп хабарлайды Bugin.kz порталы.
Оның айтуынша, Путин қазіргі уақытта көптеген шешімдерді өзі қабылдайды, бірақ кейде Ковальчукпен кеңеседі.
«Біз Юрий Ковальчуктың Путинге өз ықпалын жүргізе алатынын анық білеміз: жеке және идеологиялық тұрғыда. Ол Путиннің Санкт-Петербургтегі басқа достарына қарағанда дәрежесі жағынан үлкен. Ол кем дегенде Путинмен тең», - деді Невзлин.
Невзлиннің пікірінше, Ковальчуктың ықпалы «мінез-құлық үлгісімен де, Ресей Федерациясында не істей алатынымен және не істей алмайтынымен де» анықталады.
«Шындығында, оның қолынан бәрі келеді», - деп түйіндеді ол.
Нұрила Жұмаділлә
Қосымшаны жүктеп алыңыз
