Пелоси: «АҚШ Тайваньнан бас тартпайды»

АҚШ Конгресінің Өкілдер палатасының спикері Нэнси Пелоси Тайваньға сапары барысында бірқатар мәлімдеме жасады, деп хабарлайды Bugin.kz порталы Reuters агенттігіне сілтеме жасап. 

Нэнси Пелоси Тайвань президенті Цай Инвэнге аралға сапары АҚШ-тың Тайваньдан бас тартпайтынын анық көрсеткенін айтты. 

«Біздің делегация Тайваннан бас тартпайтынымызды түсіндіру үшін келді. «Бір Қыта»й саясатын құрметтей отырып, Тайваньмен ынтымақтастығымызды арттырғымыз келеді. АҚШ статус-квоны қолдайды және Тайваньға қиындық туындағанын қаламайды», - деді Пелоси Тайвань президенті Цай Инвэнмен бірлескен баспасөз мәслихатында.  

Сапар нәтижесінде Тайваньға экономикалық көмек туралы сұраққа Пелоси АҚШ-тың чип өнеркәсібін нығайтуға бағытталған жаңа АҚШ заңнамасы АҚШ пен Тайвань арасындағы нәтижелі экономикалық алмасуға жол ашатынын айтты. 

«Америка Құрама Штаттары Тайваньның әрқашан еркіндік пен қауіпсіздікке ие болғанын қалайд. және одан бас тартпайды. Сіздің басшылығыңыз үшін алғыс айтамыз. Біз әлем мұны мойындағанын қалаймыз», - деді Пелоси Цайге.  

Тайваньдық саясаткер Нэнси Пелосиге қиын сәтте қолдау білдіргені үшін алғыс айтты. Арал әскери қауіп-қатерлерге қарамастан, шегінбейтінін айтты. Цай Инвэнь Тайвань АҚШ-тың сенімді серіктесі екенін және қауіпсіздік, экономикалық даму және жеткізу тізбегі саласындағы ынтымақтастықты нығайтуға күш салатынын айтты.  

Сонымен қатар, Тайвань әскерилердің ескерту деңгейін көтергенін және билік аралдағы қауіпсіздік пен тұрақтылықты қамтамасыз ету жоспарларын әзірлейтінін мәлімдеді.  

Сонымен қатар, Тайвань Қорғаныс министрлігі Қытайдың әскери жаттығулары БҰҰ ережелерін бұзып, халықаралық тәртіпке қауіп төндіретінін, Тайваньның аумақтық кеңістігіне басып кіргенін және АҚШ Өкілдер палатасының спикері Нэнси Пелосидің сапары аясында аралдың әуе және теңіз кеңістігін қоршауды ұйымдастырғанын мәлімдеді.  

Тайвань қорғаныс министрлігі мәлімдемеде аралдың өз қауіпсіздігін табанды түрде қорғайтынын және аумақтық егемендікті бұзатын кез келген әрекетке қарсы тұратынын айтты. 

АҚШ Конгресі Өкілдер палатасының спикері Ньют Гингрич Тайваньға соңғы рет 1997 жылы сапар жасаған еді. Алайда Пелосидің сапары Қытай-АҚШ қарым-қатынасының күрт нашарлауы аясында өтіп отыр.