Пелоси енді Корея аралық шекара аймағына сапарламақ

АҚШ Конгресінің Өкілдер палатасының спикері Нэнси Пелоси корейаралық шекаралық аймаққа баруды жоспарлап отыр. Бұл туралы Bugin.kz порталы Reuters агенттігіне сілтеме жасап хабарлайды.

Қазір Азияда гастрольдік сапарда жүрген АҚШ Конгресінің басшысы Нэнси Пелоси Тайвань сапарынан кейін Оңтүстік Кореяға ұшып кетті. Оның ұшағы америкалық Осан әскери базасына қонды.

Оңтүстік Кореяға екі күндік сапары барысында Пелоси 1953 жылы соғыс қимылдарын аяқтаған корейаралық бітімге қол қойылған Пханмунджом ауылына барады. Шекара аймағын АҚШ пен Солтүстік Кореяның БҰҰ қолбасшылығы бірлесіп бақылайды.

Егер сапар жалғасатын болса, ол 2019 жылы Солтүстік Корея көшбасшысы Ким Чен Ынмен кездесуге барған бұрынғы президент Дональд Трамптан кейін Біріккен қауіпсіздік аймағына барған АҚШ-тың екінші жоғары лауазымды шенеунігі болады.

Сонымен қатар, Пелоси Оңтүстік Корея Ұлттық ассамблеясының спикері Ким Джин Пиомен кездесіп, КХДР тарапынан қауіптердің күшеюіне алаңдаушылық білдірді.

Сондай-ақ ол қазір демалыста жүрген Корея президенті Юн Сок Ёлмен телефон арқылы сөйлеседі деп күтілуде.