Пентагон: «Қытай ядролық әлеуетін 3-4 есе арттыруда»

Қытай өзінің ядролық әлеуетін 3-4 есе арттыруда. Бұл туралы БҰҰ-ның Ядролық қаруды таратпау туралы шартты қайта қарау жөніндегі конференциясы барысында АҚШ қорғаныс министрінің саяси мәселелер жөніндегі орынбасары Колин Кал мәлімдеді, деп хабарлайды Bugin.kz порталы. 

Ол Қытайдың ядролық мүмкіндіктерін модернизациялау мен әртараптандыруды жылдам кеңейтуіне, сондай-ақ осы аптада Тайвань бұғазында семсерлесуіне назар аударды.

«Қытай дәл қазір өзінің ядролық арсеналын өте жылдам қарқынмен - үш есе, тіпті төрт есе арттыруда», - деді Кал.

Ол Пентагон Қытайдың стратегиялық тұрақтылық мәселелерін талқылау ниеті туралы мәлімдемелерімен таныс екенін атап өтті, бірақ Вашингтон Бейжің қазір «мұндай жұмысқа дайын емес» деп санайды.

«Тайвань төңірегіндегі жағдайдан көрген жақсы нәрселердің бірі Қытайдан ядролық қауіп-қатердің болмағаны болды», - деді Кал.

Ол сондай-ақ Пентагонның дүние жүзіндегі барлық ядролық қаруды толығымен жоюдан басқа ештеңе қаламайтынын атап өтті.

«Қауіпсіздіктің қазіргі қиындықтарына қарамастан, Америка Құрама Штаттары мүмкіндігінше ядролық қауіп-қатерді азайту үшін басқа ядролық қаруы бар мемлекеттермен жұмыс істеуді жалғастырады және біз мұны шынайы үмітпен жасаймыз», - деді Кал.

«Америка Құрама Штаттары ядролық соғысты жеңуге болмайтынын және ешқашан жүргізілмейтінін шын жүректен мойындайды және растайды. Біз ядролық қаруы бар мемлекеттерді Америка Құрама Штаттарымен тәуекелдерді азайту шаралары бойынша ынтымақтасуға және ядролық ұстаным мен доктрина туралы ашық болуға шақырамыз», - деді Пентагонның баспасөз хатшысы.