Ресейлік публицист: «Путиннің соғысқа арналған жоспары құрдымға кетті»

Путин армиясының Украинадағы стратегиясы мен міндеттері өзгерді. Бұл туралы 24 арнасына берген сұхбатында ресейлік публицист Андрей Пионтковский айтты, деп хабарлайды Bugin.kz порталы. 

Оның айтуынша, Путиннің соғысқа арналған жоспары құрдымға кетті, ал «үш күнде Киевті алу» және Украинаны талқандау деген екі бастапқы мақсат ауқымды соғыстың алғашқы күндерінде жүзеге аспай қалды. 

«Путиннің бүкіл әлемге тастаған идеясы мен ультиматумы, ядролық қарумен қорқыту және Балтық жағалауы елдеріне, Варшаваға «бару» жоспарлары - қазір мағынасыз болып көрінеді», - деді Пионтковский.

Сарапшының пікірінше, Путин енді Запорожье атом электр станциясын жарып жіберемін деп қорқытады, сонымен қатар бітімге келуге тырысады. Оның айтуынша, Ресей Федерациясы Славянск мен Краматорскіні басып алу, оңтүстікке ресурстарды беру мақсатынан бас тартқан.

«Бірде Путиннің соғыстағы ауқымы мен стратегиясы өзгерді. Украина ең үлкен стратегиялық жеңіске жетті. Ол аман қалды», - деп есептейді публицист.