Тоқаев Қазақстанның экономикалық болашағы қандай болатынын айтты

Қазір ғана президент Қасым-Жомарт Тоқаев халыққа жолдау жасауда. Президент әуелі еліміздің экономикасына тоқталды. Бұл туралы bugin.kz Ақордаға сілтеп хабарлайды. 

«Біз экономикамызда қордаланған мәселелерді жақсы білеміз. Мысалы, шикізатқа әлі де тәуелдіміз. Еңбек өнімділігі төмен, инновация жеткіліксіз. Ұлттық табыстың игілігін жұрттың бәрі бірдей көріп отырған жоқ. Әрине, мұның барлығы – күрделі мәселелер. Бірақ, оны шешудің нақты жолдары бар»,-деді Тоқаев.

«Біздің экономикалық саясатымыздың негізгі мақсаты өзгеріссіз қалады.  Азаматтарымыздың әл-ауқатының сапалы және инклюзивті өсуі – негізгі мақсатымыз. Жаңа экономикалық бағыттың басымдықтары мыналар болады:

- жеке кәсіпкерлік бастаманы ынталандыру, яғни мемлекеттік капитализмнен және экономикаға мемлекеттің шектен тыс араласуынан бас тарту;

- бәсекелестікті дамыту, яғни барлығына тең мүмкіндіктер беру;

– және, әрине, ұлттық табысты әділ бөлу»,-деді Президент.