10 жасар бала анасын қалай құтқарды?

Мектеп оқушысы лейкозбен ауыратын ананың сүйек кемігіне донор болды. Бұл туралы Asia One-ға сілтеп Bugin.kz порталы хабарлайды.

Небәрі 10 жастағы бала әйелдің сүйек кемігінің доноры бола алатын жалғыз отбасы мүшесі болған. Дәрігерлер тіндердің үйлесімді екеніне көз жеткізу үшін бала 30 рет қан тапсырған. 

Операциядан бірнеше күн бұрын ол қанның тін жасушаларын жұмылдыратын дәрі-дәрмектің жеті рет инъекциясын алған. Көбінесе пациенттер ауырсынуды және одан кейін басқа жағымсыз әсерлерді сезінеді.

«Мен қорықтым ба? Жоқ! Қазір әкем қасымда болғандықтан қорқынышты сезінбеймін. Операция үш сағатқа созылатынын білемін, бұл біршама аз. Мен анамды құтқару үшін бәрін жасауға дайынмын», - деді Цао Сюаньи.

Операция сәтті өтті. Дәрігерлер әйелдің сүйек кемігін ауыстырып салды. Енді батыл баланың анасы келесі кезеңді күтуде: ол ұзақ емделеді, оның барысында дәрігерлер әйелдің денесін өзінің сау қан жасушаларын көбейтуге «үйретеді».