Қостанайдағы өрттен егістік алқабы зиян шекті ме? - Министрлік жауабы

Қостанай облысының әкімдігі мен ҚР Төтенше жағдайлар министрлігінің мәліметінше, орман өрттерінің салдарынан егін алқаптары зақымданған, дегенмен егістіктерге өрт жайылған жоқ.  Бұл туралы Bugin.kz порталы ҚР Ауыл шаруашылығы министрлігіне сілтеме жасап хабарлайды.

Атап айтқанда, Қарабалық өңірінде 17 гектар орылған алқапты өрт шарпыған. Меңдіқара ауданында 1 гектар дәнді дақылға зақым келген. Жоғалған егіннің көлемі нақтыланды. Қосымша ақпарат қолжетімді болған кезде берілетін болады.

Облыс бойынша жалпы егістік көлемі 5,3 миллион гектарды құрайтыны, оның ішінде дәнді және бұршақ дақылдары 3,9 миллион гектар, бидай 3,5 миллион гектар, майлы дақылдар 749,1 мың гектар екені атап өтілді.

Сондай-ақ, облыс әкімдігінің жедел мәліметтеріне сәйкес, 3 қыркүйектегі жағдай бойынша егіс алқабының 1,8 миллион гектары немесе 45,3 пайызы орылып, 1,8 миллион тонна дәнді және бұршақ дақылдары жиналды.

Сондай-ақ, 2022 жылдың 4 қыркүйегіндегі соңғы мәлімет бойынша, Қостанай облысындағы өрт салдарынан Люблинка және Аманқарағай ауылдарында барлығы 12 ірі қара, 118 шошқа және 261 құс қырылған.