Мұхамедиұлының өзіне қол жұмсамақ болғаны расталды

Төрт айдан кейін ҚР ІІМ Қылмыстық-атқару жүйесі комитетінің баспасөз қызметі Арыстанбек Мұхамедиұлының өз-өзіне қол жұмсамақ болғанын растады. Бұл туралы ресми дереккөзге сүйеніп Bugin.kz хабарлайды.

2022 жылдың мамыр айында Интернетте ҚР Ұлттық музейінің директоры Арыстанбек Мұхамедиұлының өзіне қол жұмсамақ болғаны туралы ақпарат пайда болды. Төрт айдан кейін бұл факт баспасөз қызметінде расталды.

«Мамыр айында Арыстанбек Мұхамедиұлы уақытша ұстау изоляторынан жарақатына байланысты емханаға барған. Білек жарақаты, - деп түсіндірді комитет.

Бұған дейін Ұлттық музейде Арыстанбек Мұхамедиұлының өзіне қол жұмсамақ болғаны туралы қауесеттер жоққа шығарылған болатын.

Мамыр айында Ұлттық музей басшылығына «Алтын адамның әлем музейлері арқылы шеруі» халықаралық көрмесін өткізуге арналған мемлекеттік сатып алу келісімі бойынша 146 миллион теңгені жымқырды деген күдікке ілінгені хабарланған болатын. Желіде Арыстанбек Мұхамедиұлының үйінде тінту жүргізілгені туралы ақпарат пайда болды. Мұхамедиұлының өзі ар-ұжданының таза екенін, цехтағы әріптестерінің қақпан құрып жатқанын айтып, президентке видео үндеу түсіруге асықты. 28 мамырда Ұлттық музейдің директоры Арыстанбек Мұхамедиұлы сот шешімімен қамауға алынды.

Шілде айының ортасында Antikor 2017-2018 жылдардағы ұрлықтың жаңа фактілері туралы ақпаратты жариялады. Алайда Мұхамедиұлының баспасөз хатшысы Ұлттық музей директоры қызметіне 2019 жылы ғана келгендіктен, оның оларға қатысы жоқ екенін айтты.