Тоқаев 2034 жылға дейін президент бола ма?

Мәжіліс депутаттары президенттің  жеті жылдық мерзімге сайлануын талап етіп отыр. Бұл туралы bugin.kz порталы  Сенат спикері Мәулен Әшімбаевқа сілтеме беріп  хабарлайды.

Мәжілісмендер Қазақстанда кезектен тыс сайлау басталмай тұрып-ақ президенттік мерзімге түзетулер енгізілгенін қалайды. Осылайша, Қасым-Жомарт Тоқаев жеңіске жеткен жағдайда екі емес, бір ғана мерзім басқаруы керек.

«Сұрақ екі жақты түсіндірмеге ие – бес жылдық мерзімге президенттік сайлау қалай өтеді, келешекте жеті жылға сайлану мүмкіндігі әлі де болады ма. Сұрақты түсіндірудің өзі жағдайдың қалай екенін көрсетеді. Себебі бұл жерде нақтылық жоқ. Мәжіліс депутаттары бұл сайлауды жаңа норма бойынша өткізу, президентті жеті жылдық мерзімге сайлау туралы бастама көтеріп отыр», - деді Әшімбаев Сенат отырысында.