Қазақстан Ресей рублімен экономиканы көтеруді тоқтатуы керек - Польшаның бұрынғы министрі

Польшаның бұрынғы еңбек министрі Пьотр Кульпа Қазақстан экономиканы ресейлік рубльмен көтеруді тоқтатуы керек деп есептейді. Бұл туралы Bugin.kz порталы Қазақ Телеграф Агенттігіне сілтеме жасап хабарлайды. 

«Қазақстан ЛНР мен ДНР-ны мойындамайтынын мәлімдеді. Қазақстан халқы Украинаға көмек жіберді. Басқа ештеңе істеудің қажеті жоқ деп ойлаймын. Бәлкім, Қазақстанның бүгін жасағаны, ең алдымен, экономиканы санкциялардың кесірінен тез құнсызданатын  рубльмен соруды тоқтату болар еді. Екіншіден, бидай контрабандасына қараған жөн. Себебі бұл Қазақстан экономикасына, қазақ диқандарына зиянын тигізуде», - деді Пьотр Кульпа.

Бұған қоса, ол Қазақстан «ең болмағанда Еуразиялық одаққа қатысуды тоқтату» туралы ойлануы керектігін атап өтті.

«Жалпы, менің ойымша, Қазақстан өзін лайықты ұстайды, ал президент Тоқаев Украинада жақсы имиджге ие», - деп қосты министр.