Қоғам

Тұңғыш Қорғаныс министр Сағадат Нұрмағамбетовке арналған монумент ашылды

Авторларды қолдау орталығы

mediabugin@gmail.com

Фото: ulysmedia.kz

Өскеменде Халық қаһарманы, Тәуелсіз Қазақстанның тұңғыш Қорғаныс министрі армия генералы Сағадат Нұрмағамбетовке арналған монумент пен гүл бағы ашылды. Бұл туралы Bugin.kz порталы Ulysmedia.kz. сайтына сілтеме жасап хабарлайды. 

Ескерткіштің ашылу салтанатына Шығыс Қазақстан облысының әкімі Даниал Ахметов, Қорғаныс министрінің орынбасары генерал-лейтенант Руслан Шпекбаев, Өскемен гарнизонының әскери қызметшілері, Қарулы күштердің ардагерлері, қоғам өкілдері, сондай-ақ батырдың немересі Лира Нұрмағамбетова қатысты.

«Ұлы даламыз әрқашан қауіпсіздікті сенімді қамтамасыз етіп, қаһармандық пен патриотизмді паш ететін лайықты батыр ұлдарымен әйгілі. Жастарымыз Сағадат Қожахметұлы Нұрмағамбетов сияқты батырларды үлгі тұтып өсуі тиіс. Сол себепті де біз үшін ұрпақтар сабақтастығы аса маңызды», – деп атап өтті Қорғаныс министрінің орынбасары генерал-лейтенант Руслан Шпекбаев.

Соғысы жылдарында Сағадат Нұрмағамбетов Краснодар өлкесін, Украинаны, Молдавияны, Батыс Белоруссия мен Польшаны азат етуге қатысты. Польша аумағында жаудың қорғанысын бұзып өтуде қолбасшылықтың жауынгерлік тапсырмаларын бұлжытпай орындағаны, сонымен бірге көрсеткен ерлігі мен қаһармандығы үшін оған Кеңес Одағының Батыры атағы берілді.

«Тәуелсіздік таңында Сағадат Нұрмағамбетов жас мемлекеттің Қарулы күштерін құрып, қорғаныс қабілетін нығайтты. Елімізде әскер болмаған кезеңде орасан зор беделі мен кәсіби шеберлігінің арқасында командалық құрамды, техникалық базаны сақтап, Қарулы күштердің құрылымын қалыптастырып, әскери қызметшілердің патриоттық рухын көтере алды», – деп атап өтті Шығыс Қазақстан облысының әкімі Даниал Ахметов.