Атырауда жедел жәрдем көлігі мен жол талғамайтын көлік соғысып қалды

Атырауда жедел жәрдем көлігі жол талғамайтын көлікпен соқтығысты. Бұл туралы Bugin.kz порталы  «Каспий коммунасына» сілтеме жасап хабарлайды.

Жол-көлік оқиғасы 11 қыркүйек күні сағат 19:30 шамасында «Балауса» шағын ауданында болған. Полицияның хабарлауынша, жедел жәрдем көлігі қосалқы жолмен келе жатып, негізгі жолмен келе жатқан Toyota Land Cruiser көлігіне соғылған.

Соқтығысқаннан кейін жедел жәрдем көлігі үйдің қоршауына соғылған. Соққының салдарынан жедел жәрдем көлігінің екі жолаушысы мен «Тойота» жүргізушісі ауруханаға жеткізілді.