Қадыров Ресейдің Қорғаныс министрлігін сынға алды

Шешенстан басшысы Рамзан Қадыров Қорғаныс министрлігін айыптап, Изюм, Купянск және Балаклеяны қайтарып алуға уәде берді. Ол департаменттің Харьков облысынан әскерлердің шығарылуына қатысты ұзақ уақыт бойы түсініктеме бермегеніне наразылығын білдірді, деп хабарлайды Bugin.kz порталы Moscowtimes басылымына сілтеме жасап.

«Қорғаныс министрлігінің жағдайды анықтағаны жақсы болды, сондықтан олар Изюм, Купянск, Балаклея қалаларын тастап кетті. Бұл адам өмірін сақтап қалуға көмектесті. Ол жеңілісті білдірмейді», - деді Қадыров.  

Ресей Қорғаныс министрлігі әскерлерді қайта топтастыратынын хабарлады. Олар Харьков маңынан «Донецк бағытында күш-жігерді арттыру үшін» ауыстырылды. Қадыров ведомствоның Украинаға қарсы соғыстағы стратегиясын өзгертуі керектігін ескертті. Әйтпесе, ол Сергей Шойгу мен президент Владимир Путинге жүгінетінін айтты.

«Қателіктер жіберілді, олар осыдан қорытынды жасайды деп ойлаймын. Бірақ бүгін-ертең стратегияға өзгерістер енгізілмесе, мен Қорғаныс министрлігінің басшылығына, ел басшылығына хабарласып, шын мәнінде не болып жатқанын айтып, шағымданамын. Содан кейін олар жағдайды жергілікті жерде түсіндіретін болады», - деді Қадыров.  

Сонымен бірге ол жеңілістің «артықшылығы бар» деп қосты, ал әскерилерге берілген қалаларды қайтаруға және «жақын болашақта» Одессаға жетуге мүмкіндік беретін белгілі бір «арнайы тапсырма» бар екенін жеткізді.  

«Біз 10 000 жауынгер соғыс даласына баруға дайынбыз. Нақты нәтижелерді көресіздер», - деді Қадыров.