Америкалық байлар бір күнде 93 миллиард доллар жоғалтты

Американың ең бай миллиардерлерінің байлығы бір күнде 93 миллиард долларға төмендеді. Бұл туралы Bugin.kz порталы Bloomberg басылымына сілтеме жасап хабарлайды.  

Рейтинг бойынша Джефф Безостың байлығы 9,8 миллиард долларға төмендеген. Бұл ең үлкен көрсеткіш. Илон Масктың байлығы 8,4 миллиард долларға азайды. Марк Цукерберг, Ларри Пейдж, Сергей Брин және Стив Балмердің байлығы 4 миллиардтан астам долларға қысқарды. Ал Уоррен Баффет пен Билл Гейтс тиісінше 3,4 миллиард және 2,8 миллиард доллардан айырылды.  

Бұл АҚШ миллиардерлерінің тарихтағы тоғызыншы ең үлкен күнделікті шығыны екені атап өтілді. Миллиардерлердің шығыны АҚШ қор нарығындағы құбылмалылыққа байланысты болды. Өйткені инвесторлар ТБИ-нің күтілгеннен жоғары деректері Федералдық резервті (ФРЖ) пайыздық мөлшерлемелерді агрессивті түрде көтеруге мәжбүр етеді деп санайды.  

Өткен айда дәл осы американдық миллиардерлер тобы ФРЖ төрағасы Джером Пауэллдің сегіз минуттық баяндамасынан кейін бір күнде 78 миллиард долларын жоғалтты.  

Жалпы алғанда, әлемдегі ең бай 500 адамның жағдайы жыл басындағы көрсеткіштен шамамен 1,2 триллион долларға азайды.