Бүгін ҰҚШҰ миссиясының өкілдері Арменияға ұшпақ

15 қыркүйекте Біріккен штаб бастығы Анатолий Сидоров бастаған Ұжымдық қауіпсіздік шарты ұйымы (ҰҚШҰ) миссиясының жедел тобы Арменияға ұшады. Бұл туралы bugin.kz порталы ҰҚШҰ баспасөз қызметіне сілтеме беріп хабарлайды.

«Ұжымдық қауіпсіздік шарты ұйымы миссиясының басшысы, ҰҚШҰ Бас хатшысы Станислав Зас Армения Республикасына аттануды жоспарлап отыр», - деді олар.

Баспасөз қызметі миссияның құрамына Ұйым хатшылығының қызметкерлері болып табылатын ҰҚШҰ-ға мүше мемлекеттердің өкілдері мен ҰҚШҰ Біріккен штабының әскери қызметкерлері кіретінін атап өтті.

Бір күн бұрын ҰҚШҰ Армения-Әзербайжан шекарасындағы жағдайды бағалау үшін ұйымның бас хатшысы бастаған миссияны Арменияға жіберетінін хабарлады.

Миссия күзде Ереванда өтетін Ұжымдық қауіпсіздік кеңесінің келесі сессиясында мемлекет басшыларына аймақтағы жағдай және шиеленісті деэскалациялау бойынша ұсыныстар әзірлеу туралы егжей-тегжейлі баяндама дайындайды.