Путин Ердоғанға не айтты?

Түркия мен Ресей президенттері Самарқандтағы ШЫҰ саммиті аясында келіссөзді не мақсатпен жүргізгені белгілі болды. Бұл туралы Bugin.kz порталы TRT ақпарат агенттігіне сілтеме беріп хабарлайды.

Ресей президенті Владимир Путин Түркия президенті Режеп Тайып Ердоғанмен кездесуінде Түркияның Ресейден газ тасымалдайтын ең сенімді бағыттардың біріне айналғанын, «Түрік ағыны» ақаусыз жұмыс істеп жатқанын атап өтті. Ол келісімдер нәтижесінде Түркиядағы газдың 25 пайызы рубльмен төленетінін атап өтті. «Астық мәмілесі» туралы сөз қозғаған Путин «Ресей операторлары Түркия аумағы арқылы өнімдерін экспорттай алатыны туралы сигнал алғанын» айтты.