Әлем

Трамп пен отбасына алаяқтық бойынша айып тағылды

Авторларды қолдау орталығы

mediabugin@gmail.com

Фото: Reuters

АҚШ-тың бұрынғы президенті, сондай-ақ оның үш баласы мен оның компаниясы жылдар бойы қаржылық алаяқтық жасады деп айыпталуда. Дональд Трамп таңылған айыптауларды жоққа шығарды. Бұл туралы bugin.kz порталы хабарлайды.

Нью-Йорк штатының бас прокуроры Летития Джеймс АҚШ-тың бұрынғы президенті Дональд Трампқа, сондай-ақ оның үш баласы, кіші Дональд Трамп, Эрик және Иванка Трампқа және Трамп компаниясына қарсы 220 беттен тұратын сотқа шағым түсірді. Бұл туралы 21 қыркүйек, сәрсенбі күні кешке мәлім болды.

Алдын ала мәлімет бойынша, 76 жастағы саясаткерге, оның туыстарына және бизнес ұйымына көп жылдар бойы қаржылық алаяқтық жасады деген айып тағылды. Яғни  компанияның капиталдандыруы туралы жалған ақпарат беру, жеңілдетілген несие алуға немесе салықты төмендетуге көмектестін шаралар жасады деген күдік бар.

Прокуратураның мәліметінше, мұндай несиелерді Трамп ұйымы мен немістің Deutsche Bank ірі қаржы институты берген. Прокуратура сонымен қатар Трамп отбасынан 250 миллион доллар өтемақы талап етіп отыр.

Нью-Йорк штатының бас прокурорының айтуынша, Дональд Трамп пен басқа айыпталушылар он жыл ішінде олардың активтерін 200-ден астам рет жалған бағалаған. Трамптың корпоративтік империясына қатысты тергеу үш жылға созылды, оның барысында 65 куәгерден жауап алынып, «миллиондаған құжаттар» зерттелді.

«Дональд Трамп өзін әділетсіз байытты және жүйені, демек бәрімізді алдау үшін өзінің байлығын миллиардтаған долларға көбейтті», - деді Летития Джеймс.

«Барлығымыз білетіндей, бүгінгі импичменттің дәлелдерге немесе заңға еш қатысы жоқ», - делінген Трамп ұйымының мәлімдемесінде, The New York Times келтірген. Сотталушының айтуынша, «бұл саясатқа қатысты».

Трамптың көзқарасы бойынша ол саяси қуғын-сүргін құрбаны. Бұрынғы президент өзін айыптап отырған прокурор бәсекелес Демократиялық партияның мүшесі екенін айтты.

Тамыз айында Федералдық тергеу бюросы (ФБР) Дональд Трамптың Флоридадағы үйінде тінту жүргізді. Агенттер Трамп Ақ үйден алған болуы мүмкін құпия құжаттарды іздеді, кейінірек The Washington Post газеті тінту нәтижесінде шет елдердің бірінің қорғаныс стратегиясы мен ядролық мүмкіндіктерін сипаттайтын құжат табылғанын хабарлады.

Бұған қоса, шілдеде АҚШ Конгресінің Капитолийге жасалған шабуылды тексеретін комиссиясы бұрынғы президентке тағылған айыптар бойынша тыңдаулар өткізді. Бірақ бұл Трампты жауапқа тарту үшін жеткіліксіз болуы мүмкін.