Әлімханұлы: «Қазақ стилінің» қандай екенін көрсетемін»

Орта салмақта WBO тұжырымы бойынша әлем чемпионы Жәнібек Әлімханұлы 12 қарашада чемпиондық атағын қорғайды, деп хабарлайды Bugin.kz порталы. 

Жәнібек Әлімханұлының қарсыласы британдық Дензел Бентли болады. 3 қазанда жекпе-жек Top Rank бокс кешінің басты оқиғасы ретінде Лас-Вегастағы Palms Casino казиносында өтетіні ресми түрде жарияланды. Осыған орай ұйымдастырушылар боксшылардың матч алдындағы мәлімдемелерін жариялады. 

«Мен Дензел Бентлиге менен қашып кеткен жауынгерлер арасынан суырылып шыққаны үшін алғыс айтамын. Лас-Вегаста әлем чемпионы атағын қорғау үлкен мәртебе және мен әлемге «Қазақ стилінің» не екенін тағы бір рет көрсетемін. Көзілдірікпен кел, өйткені мен рингте жарқырап шығамын», - деді Әлімханұлы.

Бентлидің айтуынша, бұл жақсы әрі әсерлі жекпе-жек болады.

«Мен оны жеңемін деп ойлаймын. Неліктен ол жерге бармасқа, Лас-Вегас театрын тамашалап, әлемдік титулмен оралмасқа? Мен оның жеңілетініне, менің қолымнан келетініне шын жүректен сенемін. Барлығы оның қаншалықты қорқынышты екенін айтады, бірақ мен ондай ештеңе көріп тұрған жоқпын. Мүмкін маған бірдеңе жетіспейтін шығар. Оны бір рингке түскенде білеміз», - деді ол.