Қайрат Сатыбалдыға байланысты тағы дау шықты

Азат Перуашев Қайрат Сатыбалдының теміржолдағы заңсыздықтары үшін мемлекетке сыйлаған «КСО» компаниясынан ол төлеген ақшаларды кәсіпкерлерге қайтаруды талап етті. Бұл туралы Bugin.kz порталы inbusiness.kz сайтына сілтеме жасап хабарлайды.

Мәжілісмен Азат Перуашев жақында Астанада Қайрат Сатыбалдыға қатысты сот процесі аяқталғанын, оның барысында сотталушы өз кінәсін мойындап, «КСО» АҚ (Көліктік сервис орталығы) медиативтік келісімге қол қойғанын айтты. Және аталған компанияға 28 миллиард теңге шығынды толығымен өтегенін еске салды.

«Мұның бәрі, әрине, жақсы. Алайда, мыңдаған кәсіпкерлердің «КСО»-ның өзіне наразылығы бар. Кәсіпкерлер 2017 жылдан бері рейдтік іс-шаралар арқылы ҚТЖ мен жеке кәсіпорындардың кіреберіс жолдарын басып алған кезден осы компанияның заңсыздықтарын жариялап келеді. КСО заңсыз сот шешімдері мен құжаттарды қолдан жасаған. Осы «КСО» АҚ бірден он рет тарифті өсіріп, негізсіз бағаны қымбаттатқан . Тариф өсімі 118 есе болған мысалдар бар!»,-деді ол.

«Мұндай қомақты қаражатты төлеуден бас тартқан кәсіпорындардың вагондарға кіруіне рұқсат етілмеген. Нәтижесінде кәсіпорын шикізатты да қабылдамай, өнімін тұтынушыларға жібере алмай, жұмыс толығымен тоқтап қалған», - деді депутат.

«Тауарларды қабылдауды және жөнелтуді қалпына келтіру әрекеті кезінде кәсіпорындардан «тоқтап қалғаны үшін»  80 миллион теңгеден есепшот өндіріледі. Бұл заңсыздық түрлі саладағы ірі және орта кәсіпорындарға, құрылыс материалдарын өндірушілерге, тамақ өнеркәсібі мен ауыл шаруашылығы өнімдерін өңдеуге әсер етті. Бірнеше күн бұрын Бас прокуратураның мәліметінше, олигополияның мұндай әрекеттерінен барлығы 4 мыңнан астам кәсіпкер зардап шекті», - деді ол.

 «Бар болғаны 5 жыл өткен соң, президенттің екінші тапсырмасынан кейін, ағымдағы жылдың сәуір айында үкімет жанындағы монополиясыздандыру жөніндегі комиссия тарифтерді 12 есеге төмендетіп, 600-ден астам теміржол рельстерін ҚТЖ, яғни мемлекет меншігіне қайтарды. Қыркүйек айында 28 миллиард теңге қайтарылды деп айтылып жүр. Бірақ бұл миллиардтарды бұл компания қылмыстық жолмен – бөтеннің теміржол жолдарын басып алу және жеке кәсіпорындардан тарифтерді бопсалау арқылы алған. , - деп ашуланды.

Осыған байланысты Перуашев «КСО» АҚ-ны кәсіпкерлерден негізсіз жоғары тарифтерді қолданып, 5 жыл бойы заңсыз өндіріп алған барлық қаражатты қайтаруды міндеттеуді талап етуде.