Қазақстандық балуан әлем чемпионы атанды

Болгарияның Пловдив қаласында өтіп жатқан әлем чемпионатында Абай Смағұлов 88 келі салмақта ардагерлер арасында үздік балуан атанды,-деп хабарлайды Bugin.kz порталы.

«Абай Смағұлов төрт жекпе-жек өткізіп, Қырғызстан, Моңғолия, Латвиядан келген қарсыластарынан басым түсті. 88 келіге дейінгі салмақта финалда Смағұлов Үндістан өкілімен кездесіп, жекпе-жекте 7:5 есебімен жеңіске жетті», - дейді бас бапкер Роман Ахмедханов.

35 пен 40 жас аралығындағы еркін күрестен 88 келіге дейінгі салмақта Абай Смағұлов үздік атанды.

Болгарияда қазанның 4-і мен 9-ы аралығында өтіп жатқан әлем чемпионатына әлемнің 60 елінің спортшылары қатысуда.