Қатты жел, тұман және аяз: қазақстандықтарды қандай ауа райы күтеді

Ауқымды антициклон Қазақстандағы ауа-райына айтарлықтай әсер етуде, деп хабарлайды "Қазгидромет"

Дегенмен де, кейбір аймақтарда ауа-райы күрт өзгермек.

Синоптиктер Атырау облысының оңтүстігінде, солтүстігінде және батысында тұратын қазақстандықтарға екпіні 20 м/с-қа дейін жететін жел соғатынын ескертіп отыр.  Сондай-ақ Жетісу облысының солтүстік-шығысында, Батыс Қазақстан облысының оңтүстік-батыс пен  оңтүстік-шығысында да жел соғады деп күтілуде.

Сонымен қатар елдің батысындағы бірқатар  аудандарда Қара теңізден шыққан циклонның әсерінен жаңбыр жаууы мүмкін. Қазақстанның батысында, оңтүстік-шығысында және шығысында жел күшейеді және таулы аймақтарында тұман болады деп күтілуде.

Түнде Жамбыл облысының таулы аудандарында ауа температурасы -3°C дейін төмендейді.