Астанадағы LRT-ті қаржыландыруға қосымша 20 млрд теңге бөлінді

Биыл күзде Астанадағы жеңіл рельсті көлік (LRT) жобасын қаржыландыруға қосымша 20 млрд теңге бөлінді. Бұл туралы ҚР Премьер-Министрі Әлихан Смайылов айтты, деп хабарлайды Bugin.kz порталы.

«LRT-ны қаржыландыруға келетін болсақ, иә, шынында да, біз бұл жобаның кейінгі тағдыры не боларын көп талқыладық және осы жобаны одан әрі дамытудың әртүрлі схемаларын, әртүрлі нұсқаларын зерттей келе, ортақ пікірге келдік, халықаралық сарапшылардың пікірлерін және қала жұртшылығының бұл жобаны жүзеге асыруды жалғастыру және оны аяқтау қажет деген пікірін ескердік. Қазір біз бұл жобаны қаржыландыруды жалғастырудамыз, атап айтқанда, күзде құрылысты жалғастыру үшін қосымша 20 млрд теңге бөлдік», - деді Смайылов сәрсенбіде Мәжілісте.

Оның айтуынша, бұл ақша жұмсалған сайын Министрлер кабинеті «оларды дамытудың тиімділігін, осы жоба аясындағы мақсаттар мен міндеттерге қол жеткізуді қарайтын болады».

«Осыдан кейін бұл жобаны біз жоспарлаған көлемде аяқтау үшін кезең-кезеңімен қосымша қаражат бөлетін боламыз. LRT-мен әкімдік айналысады, ал ақшаны әкімдік бөледі», - деп қосты Смайылов.