Айбек Паяев депутаттық өкілеттігін мерзімінен бұрын тоқтатты

Мәжіліс депутаттары ҚР Орталық сайлау комиссиясының депутат Айбек Паяевтың өкілеттігін мерзімінен бұрын тоқтату туралы ұсынысын қолдады, деп хабарлайды Bugin.kz порталы.

Орталық сайлау комиссиясының мүшесі Шавкат Өтемісовтың айтуынша, өкілеттігін тоқтату туралы өтінішті Мәжіліс депутаты Айбек Паяевтың өзі берген.

«Осыған байланысты Орталық сайлау комиссиясы Қазақстан Республикасы Конституциясының 52-бабына, Конституциялық заңның 24-бабының 3 және 8-тармақтарына сәйкес және өтініш негізінде сайлауды мерзімінен бұрын тоқтату туралы мәселені шешу туралы ұсыныс енгізеді. Мәжіліс депутаты Паяев Айбек Мінайымбекұлының өкілеттіктері туралы», - деді Өтемісов отырыс барысында.

Депутаттар депутаттың өкілеттігін мерзімінен бұрын тоқтатуға бірауыздан дауыс берді.