Футзалдан Қазақстан құрамасы Черногорияны жеңді

Алматыда футзалдан 2024 жылғы әлем чемпионатының іріктеу турнирінің матчы өтті, онда Қазақстан құрамасы Черногория құрамасымен кездесті, деп хабарлайды Bugin.kz порталы.

Ойын барысында қазақстандықтар ойсырата жеңіп, ойын 7:0 есебімен аяқталды. Голдарды Дуглас (2-минут), Әбдірасул Әбдіманапұлы (4-ші), Арнольд Кнауб (15-ші), Альберт Ақбалықов (21-ші), Біржан Оразов (25-ші) және Азат Валиуллин (40-шы) соқты. Қазақстан құрамасы тоғыз ұпай жинап, негізгі кезеңнің 5-тобындағы көшбасшылығын нығайтты.

Командалардың қазіргі уақыттағы турнирлік кестесі:

Қазақстан — 9 ұпай (3 матч), Словения — 3 ұпай (2 матч), Черногория — 0 ұпай (3 матч).

Турнир ережесі бойынша командалар өз алаңында және сырт алаңда бір-бірімен бір матчтан өткізеді. Топтың он екі жеңімпазы мен үздік төрт екінші орын алған командасы тікелей элиталық раундқа өтуге мүмкіндік алады. Өз топтарында екінші орын алған тағы сегіз команда плей-офф кезеңіне шығады.

Қазақстан құрамасы топтағы соңғы ойынын 8 наурызда Словенияға қарсы өткізеді.