Еуропаның белгілі 6 компаниясы Қазақстанға көшеді: Қай компаниялар?

Еуропалық 6 ірі компания өздерінің өндірісін Қазақстанға көшіру туралы шешім қабылдады. Бұл туралы Сенаттың отырысынан кейінгі баспасөз мәслихатында Үкімет басшысы Әлихан Смайылов айтты, деп хабарлайды Bugin.kz порталы ҚазАқпарат сайтына сілтеме жасап.

Премьер-Министрдің айтуынша, Ресей нарығынан кеткен 300-ден астам еуропалық компаниямен Қазақстан жағы ақпараттық-түсіндіру жұмыстарын жүргізді. Осы орайда, 50-ден астам компания өз өндірістерінің орнын ауыстыруға қызығушылық танытқан.

«Алты компания шешім қабылдап, өндіріс орындары мен кеңселерін Қазақстанға көшіріп жатыр. Қалған компаниялар жергілікті атқарушы органдармен, министрлікпен, бизнеспен келіссөздер жүргізіп жатыр, яғни осындағы мүмкіндіктерді зерттеуге кірісті», - деді Ә. Смайылов.