Қонаев қаласындағы казинолар жабыла ма?

«Мұның халыққа пайдасы зор»: әкім Қонаевтағы ойынхананы жабу туралы қауесетке түсініктеме берді, деп хабарлайды Bugin.kz порталы Orda.kz сайтына сілтеме жасап.

Қонаев әкімі Нұрлан Қуматаев қаладағы ойынхана ешкімге кедергі келтірмейді, тек пайда әкеледі деп есептейді. Ол Orda.kz тілшісіне ауылдағы ойын орындарының болашағы туралы соңғы жаңалықтарды айтып берді.

Қала басшысы  мойындағандай, ойынхананы жабу туралы мәселені сөз етуге тұрмайды. Оның айтуынша, онда 7,5 мыңнан астам адам жұмыс істеп, ойын орындарының жергілікті халыққа пайдасы зор.

«Казино аймақ экономикасына мультипликативтік әсер береді. Онда біздің тұрғындар жұмыс істейді, сонымен қатар жергілікті кәсіпорындар ойын алаңдарына қызмет көрсетеді. Осының барлығы, сайып келгенде, қала тұрғындарының тұрақты жұмыс орнының болуына мүмкіндік береді. Оларды жабу туралы сөз қозғалмады», – деді әкім.

Айта кету керек, бүгінгі күні Қонаев аумағында (Алматы-Талдықорған тас жолының бойында) бес ойынхана, төрт ойын клубы және алты букмекерлік кеңсе жұмыс істейді.