АҚШ пен Қытай басшылары кездесті: Отырыста не айтылды?

Индонезияда өтіп жатқан G20 саммиті аясында АҚШ президенті Джо Байден мен Қытай төрағасы Си Цзиньпин келіссөз жүргізіп жатыр, деп хабарлайды Bugin.kz порталы CNN cайтына сілтеме жасап.

Екі лидер қол алысып амандасты. Екіжақты кездесуде Байден мен Си маскасыз, ал бөлмедегі басқа шенеуніктер маска таққан.

«Екі елдің көшбасшылары ретінде мен Қытай мен АҚШ келіспеушіліктерді реттей алатынын, бәсекелестіктің жанжалға ұласуына жол бермейтініне сенемін. Өзара бірлігімізді қажет ететін маңызды жаһандық мәселелерде бірлесіп жұмыс істеу жолдарын таба аламыз деген ойдамын», - деді Байден.

Си Цзиньпиннің сөзінше, әлем екі мемлекет басшыларының маңызды кездесуін бақылап отыр.

«Қазіргі уақытта Қытай-АҚШ қарым-қатынасы осындай жағдайда тұр. Мұның бәрімізге маңызы бар, өйткені еліміз бен халқымыздың негізгі қызығушылығы бұл емес. Сондай-ақ халықаралық қауымдастық бізден мұны күтіп тұрған жоқ», - деді Си Цзиньпин.

Байденмен бірге мемлекеттік хатшы Энтони Блинкен, қаржы министрі Джанет Йеллен және АҚШ-тың Қытайдағы елшісі Николас Бернс кірген топ еріп жүрді.

Си Цзиньпинмен бірге Қытай Коммунистік партиясы бас әкімшілігінің директоры Дин Сюэсян мен Сыртқы істер министрі Ван И барды.