Әлем
Өзбекстан басшысы Шавкат Мирзиеев қызы Саида Мирзиееваны президент әкімшілігінің байланыс және ақпарат саясаты секторының меңгерушісі етіп тағайындады, деп хабарлайды Bugin.kz порталы.
Бұл жөнінде өзінің Telegram-арнасында Өзбекстан президентінің баспасөз хатшысы Шерзод Асадов мәлімдеді.
Саида Мирзиеева мәдениет пен білім саласындағы реформалардың орындалу барысын бақылайды.
«Әлемдік экономика және дипломатия университетінің түлегі, Ташкент мемлекеттік заң университетінің және Ломоносов атындағы Мәскеу мемлекеттік университетінің магистрі, экономика ғылымдарының кандидаты Саида Мирзиеева көптеген жылдар бойы түрлі салаларда жұмыс істеді. Атап айтқанда, 2019-2020 жылдары Президент Әкімшілігі жанындағы Ақпарат және бұқаралық коммуникациялар агенттігі директорының орынбасары болған» делінген Өзбекстан президентінің баспасөз хатшысының жазбасында
Сондай-ақ ол 2022 жылдан бастап бүгінге дейін Ұлттық бұқаралық ақпарат құралдарын қолдау және дамыту қорының қамқоршылық кеңесінің төрағасы қызметін атқарған.
Аталмыш ақпаратта оның қызметі барысында сөз бостандығын қамтамасыз ету, министрліктер мен ведомстволарда ашықтық саясаты, баспасөз қызметтерінің қызметін енгізу, мәдениет саласын дамыту, сондай-ақ гендерлік теңдік мәселелері бойынша көптеген жобалар іске асырылғаны жазылған.
Мәулен Жексенбі
Қосымшаны жүктеп алыңыз
