Қазақстандағы әрбір үшінші компания шетелге тиесілі

Қазақстанда өткен айда 4 739 жаңа компания тіркелген, олардың үштен бірін (1 580) шетелдіктер ашқан, деп хабарлайды Bugin.kz порталы DataHub Telegram-арнасына сілтеме жасап.

«Үлесі және саны бойынша бұл – рекордтық көрсеткіш. Шетелдік басқару формасындағы компаниялардың тек біреуі - үлкен, үшеуі - орта деңгейде, қалғандары - шағын бизнес. Мұндай кәсіпорындардың жартысына жуығы (717 компания) Алматыда тіркелген», – дейді мамандар.

2022 жылдың алғашқы 9 айында Қазақстанда шетелдік 9 184 компания ашылыпты. Ал 2020 және 2021 жылдары ашылған шетелдік компаниялардың саны 6,7 мыңнан асады.

2022 жылы ашылған әр бесінші компания шетелдік екен.